.

في مكالمات زي هاي ما بتنتسى ، كنت على وشك أنام وهالصاحبة الغالية رنتلي ومستحيل ما أرد عليها ، والحمد لله إنو عوض رب العالمين بيجي بعد عمر واختيارات غلط، و بتختلط مع ناس بتحب رب العالمين ، بأفعالها وحكيها ، بحكي دائماً الحمد لله على عطاء ربنا بالصحبة الصالحة البعيدة عن المعاصي والكلام الفاضي ، أنا بحب الناس اللي محبتهم إلي بتكون بالدعاء ، وربنا أكرمني بهالصاحبة الوحيدة اللي بنغيب عن بعض اسابيع طويلة لكن مستحيل الغلاوة تتغير ، علاقة صحية مافيها عتب وزعل على بعض انا بعذر وهي بتعذر ، والدتها من احب الناس على قلبي ومن محبتي إلها بحكي معها زي أمي ما بحكيلها خالتو بناديها ميمتي ، الله لا يحرمني منهم وتدوم هالمحبة دنيا وآخرة أنا طماعة بالصحبة الصالحة ، اللي بحس من بعدها بدي اصلي ركعتين لرب العالمين بسبب حنيتو عليّ وكيف بيسرلي ناس ما تشقيني وتهونها عليّ وتزكريني بالله كل شوي ، بدي ياهم معي دنيا وآخرة بإذن الله في الجنة ، وكلي يقين بمحبة ورحمة رب العالمين ، والحمد لله دائماً .

1:21 am .

6/6/2024

مهما مرينا بظروف وتعب وحزن وضيقة ، كل هاد ما بيجي ذرّة جنب وجع أهلنا بغزة أنا فعليًا أقصى أمنياتي تنتهي الحرب وترجع غزة وترجع فلسطين كلها ويطلعو كل النجسين اللي فيها ، فجأة بصفن من بعد كل صدمه بشوفها ، بتخيل كل مرة إنو بشي يوم أكون نايمه فيه وأصحى على صوت فرحة الناس وهمه بصرخو وبرددو اللَّه أكبر اللَّه أكبر ويحكولي خلصت الحرب فلسطين تحررت غزة رجعت وأنا على يقين إنو هاليوم هيجي ، بإذن واحد أحد قريبًا هنصحى على صوت فرحتهم ياااارب إنكَ قادرٌ على كُل شيء ..

1/6/2024

12:56 am .

أسرعُ ثلاث كلِمات تَمكنت منّي وأبكتني من الصميم .. رأيتُها صُدفة قبل أن أنام في الساعة 12:12 صباحًا ... تقول : " ‏المُحب يجد طريقة " كُل شخص منا سَيفهمُها على حالِ قَلبه ، بِنكهةِ ألمه الخَاصة به ..

12:25 am .

19/6/2024

للأسف بعض الأمور المهمة بتفرِط في العطاء والمحاولة فيها ولكن كل مره بتفشل بإصلاحها ، والإنسان طاقة ، وطاقته بتستنزفها محاولات متحجرة ، قاهرة ، مؤلمة والخُذلان هون بس تكون محاولاتك هاي مع إنسان مش عم بحاول ، ونتائجها خسرانة ، لكن كل محاولاتك لإصلاح نفسك خارج عن إطار شخص تاني ، هون طاقتك هتكون متجددة ؛ بس تشوف نتائجها عم تثمر بحياتك وتحس بهالشي ، يعني الميزان هون العطاء على قد الأخذ ، لازم نعرف نوزن مزبوط ، ونعتبر طاقتنا تجارة مسؤولين عنها قدام رب العالمين ، والمسألة هيّ كلها وين توجه طاقتك والعبرة بالنتائج ، بس أعرف وين وِجهة هالطاقة اختارلها طريق مفتوح مافي بنهايتو لفة ، وانتهى .

1:23 pm.

7/6/2024

فبعض المرات بتجبر نفسك تغير من طباعها الحلوة ، خاصة مع الناس اللي ما بتقدرها ، زي إنو تكون في قمة حنيتك ، تبيعها ، وتشتري قسوتك وتتحول لحجر مع الوقت ، هالشي ما بيجي إلا بعد خذلان كبير والله ..

5:32 am .

22/6/2024

وها أَنا عَلى سَريري ألهثُ بِسرعة بِصوتٍ مُنخفض ، و دقاتُ قَلبي المُتسارِعة تُشاركني السِّبَاق أحاوِلُ أن أتمَاسكَ قَدر المُستطاع وأُحكِم السَيطرة وأمنَعُني مِن البُكاء ، أَخافُ أن تَشعرَ بي أُمي وتَستيقِظ الآن ، أنا لا أقوَى أن تَرى ضَعفي أبدًا ، سَأُحاوِل ابتِلاعُ كُل هَذا مِثلما ابتلعُ مُسكنّاتي وأنام .. سَأبكي غداً واغسِلُني مِن كُل هَذه الوِحشَة .. سأنام .

1:01 am.

28/5/2024