..

فبعض المرات بتجبر نفسك تغير من طباعها الحلوة ، خاصة مع الناس اللي ما بتقدرها ، زي إنو تكون في قمة حنيتك ، تبيعها ، وتشتري قسوتك وتتحول لحجر مع الوقت ، هالشي ما بيجي إلا بعد خذلان كبير والله ..

5:32 am .

22/6/2024

في مكالمات زي هاي ما بتنتسى ، كنت على وشك أنام وهالصاحبة الغالية رنتلي ومستحيل ما أرد عليها ، والحمد لله إنو عوض رب العالمين بيجي بعد عمر واختيارات غلط، و بتختلط مع ناس بتحب رب العالمين ، بأفعالها وحكيها ، بحكي دائماً الحمد لله على عطاء ربنا بالصحبة الصالحة البعيدة عن المعاصي والكلام الفاضي ، أنا بحب الناس اللي محبتهم إلي بتكون بالدعاء ، وربنا أكرمني بهالصاحبة الوحيدة اللي بنغيب عن بعض اسابيع طويلة لكن مستحيل الغلاوة تتغير ، علاقة صحية مافيها عتب وزعل على بعض انا بعذر وهي بتعذر ، والدتها من احب الناس على قلبي ومن محبتي إلها بحكي معها زي أمي ما بحكيلها خالتو بناديها ميمتي ، الله لا يحرمني منهم وتدوم هالمحبة دنيا وآخرة أنا طماعة بالصحبة الصالحة ، اللي بحس من بعدها بدي اصلي ركعتين لرب العالمين بسبب حنيتو عليّ وكيف بيسرلي ناس ما تشقيني وتهونها عليّ وتزكريني بالله كل شوي ، بدي ياهم معي دنيا وآخرة بإذن الله في الجنة ، وكلي يقين بمحبة ورحمة رب العالمين ، والحمد لله دائماً .

1:21 am .

6/6/2024

كَيفَ للغَائِبينَ الوثُوق بأيَّامِنا المَسرُوقة ؟ ألا يُخيفُهم القدر ؟ من يضمَنُ لَهم العُمر ؟ ألا تُرعِبهُم تلكَ الاسئِلة التي دائمًا ما تَنهَشُنا ؟ أنا لا أتَحدث عن قِطار رَحل عنَا ولا عن أي مَحطةٍ فَاتتنا .. لكِنّ أَليسَ على المُحب أن يخافَ وَحشةِ الأيَّام التي سَتأتي بأيِّ لحظَةٍ دُون استِئذَانه لا مَحال بأمرِ اللَّه !! أنا حقًا أخافُها وهذا ما يَجعَلُني لا أُطيقُ الغِياب بِكُل أشكَاله وأَسبَابه فَأنا لا أضمنُ فواجِعَ الأقدَار .

20/5/2024

1:11 am.

مهما مرينا بظروف وتعب وحزن وضيقة ، كل هاد ما بيجي ذرّة جنب وجع أهلنا بغزة أنا فعليًا أقصى أمنياتي تنتهي الحرب وترجع غزة وترجع فلسطين كلها ويطلعو كل النجسين اللي فيها ، فجأة بصفن من بعد كل صدمه بشوفها ، بتخيل كل مرة إنو بشي يوم أكون نايمه فيه وأصحى على صوت فرحة الناس وهمه بصرخو وبرددو اللَّه أكبر اللَّه أكبر ويحكولي خلصت الحرب فلسطين تحررت غزة رجعت وأنا على يقين إنو هاليوم هيجي ، بإذن واحد أحد قريبًا هنصحى على صوت فرحتهم ياااارب إنكَ قادرٌ على كُل شيء ..

1/6/2024

12:56 am .

بخاطري كلام كثير بس أخاف أكسر خاطرك ..

1:38 am.

على كثر قلقي وخوفي وحزني أحتاج أضعاف أضعافهم حنية أنا الحنية بتقويني وبتدفيني ورغم حرّ الأيام هذي أنا بردانه ..

1:32 am.

26/5/2024